Улсын Ерөнхий прокурорын дарга Б.Жаргалсайханыг улираан томилсонтой холбоотойгоор УИХ-ын гишүүн Н.Номтойбаяр мэдээлэл өглөө.

      Тэрбээр "Ерөнхий прокурор Б.Жаргалсайханыг 2019 онд томилсон. Томилогдсоныхоо дараа хувийн эрүүл мэндийн шалтгаанаар БНГУ-д урт хугацаагаар эмчлүүлэхээр явсан. Хуульд заасны дагуу түүний Орлогч С.Алиманцэцэг түр үүрэг гүйцэтгэн ажиллаж байсан. Тухайн үед С.Алиманцэцэг прокурор тухайн үеийн Ерөнхийлөгч Х.Баттулгын Үндэсний аюулгүй байдлын зөвлөлийн нарийн бичгийн даргаар ажиллаж байсан А.Гансүхтэй шууд хамаарал бүхий холбоотой. Мөн Нийслэлийн прокурорын дарга байсан Ш.Нямдорж, түүний доор ажиллаж байсан С.Мөнхгэрэл, Пүрэвдагва, лифтний Б.Баасанцогт гэхчлэн нэг том сүлжээ ажиллаж байсан. Энэ сүлжээ Х.Баттулгын удирдлага дор ажиллаж байсан гэж би үздэг. Одоо харин энэ сүлжээ нуран унасан гэдгийг мэдэж байгаа. Нуран унагаасан хүн нь прокурор Б.Жаргалсайхан өөрөө. Нэг талаараа тэр хуулийн өмнө ноён нуруу заагаад байгаа юм шиг, нөгөө талдаа хийсэн үйлдлээрээ ноёны өмнө бөхөлзөөд байгаа юм шиг эргэлзээ төрсөн. Хамгийн гол нь иргэд хууль хүний царай харахгүй байх, үр дүнд нь шударга ёсыг л хүсэж байгаа. Дөнгөж сая Ерөнхий прокурорыг улираан томиллоо. Би дэмжиж дарсан. Тэгэхдээ "Хууль хүний царайг хардаггүй энэ тогтолцоог та бүрдүүлээрэй, амжилт хүсье" гэж хэлсэн. Миний хувьд прокурорын мөрдөнг дахин сэргээж прокурорыг дэргэд нь авчраасай гэж хүсэж байна. Хоёрдугаарт, аливаа шүүх хуралд өмгөөлөгч, улсын яллагч буюу прокурор эн тэнцүү эрх зүйн статустай баймаар байна. Энэ мэтээр хуульд өөрчлөлт оруулах асуудал бий" гэв.