УИХ-ын гишүүн Ж.Баярмаа соёл урлагийн үзвэрийг үнэгүй үзүүлэх тухайд шүүмжлэлтэй байр суурь илэрхийллээ.

     Тэрбээр "Муу хэлэгддэг социализмын үед бид нэг төгрөгөөр кино үздэг байсан. Чөлөөт зах зээлийн эдийн засагтай улс болоод 34 жил болж байгаа биз дээ. Яагаад өсвөр насны хүүхдүүдэд үнэгүй юм үзүүлэх гээд байдаг юм. Энэ бол соёл урлаг хэмээх нандин зүйлээр халхавчилсан халамж. Соёл урлаг гэдэг гоё маск зүүгээд ард нь халамж явж байгаа байхгүй юу. 18 нас хүрэх гэж байгаа залуучуудад үнэгүй үзвэр үзүүлж байгаад дараа нь санал авах гэж байгаа л хэлбэр. Хүүхэд, өсвөр үеийнхний нэрийг барьж халамж тараадгаа одоо болих хэрэгтэй.18.3 тэрбум төгрөгөөр Завхан аймгийн цэцэрлэгийг барь л даа" гэв.

  Харин Ч.Номин сайд "Боломжтой, чинээлэг айлын хүүхдүүд соёлын бүтээмжийг хангалттай авч байгаа. Хэдэн статистик тоо хэлье. 2021 оны байдлаар нийт гэмт хэрэгт оролцсон өсвөр насны хүүхдүүдийн тоо 3.7 байсан бол 2022 оны 5.4 хувь болж өссөн. 14-19 насны хүүхдүүд дунд амиа хорлох сэдэлжилт зургаан хүүхэд тутмын нэгт байна. Хүүхдийн сангаас хийсэн судалгаагаар өсвөр насны хүүхдүүд хүний хөгжлөөс хамгийн их орхигдож байна. Нэг ёсондоо эрүүл мэнд, боловсрол, соёлын асуудлаас орхигдож байна гэдэг зүйл гарч ирсэн. Хүүхдүүдэд үнэгүй жүжиг, кино үзүүлэх нь халамж биш. Энэ бол хүний хөгжлийн хөрөнгө оруулалт" гэлээ.

    СОЁЛЫН САЛБАРЫН ТӨЛӨВЛӨСӨН 18 ТЭРБУМЫГ ЭСЭРГҮҮЦСЭН УИХ-ЫН ГИШҮҮН Ж.БАЯРМАА ГЭЖ ХЭН БЭ

         Тэрбээр нийслэлийн арван жилийн 23-р тусгай дунд сургууль, Сэлэнгэ аймгийн Ерөө сумын арван жилийн сургууль, Гадаад хэлний дээд сургууль, англи хэлний орчуулагч багшаар төгссөн байна. Мөн МУИС-ийн Хууль зүйн сургуулийг эрх зүйчээр, Бизнесийн сургуулийг бизнесийн удирдлагаар төгсжээ. Түүнчлэн Япон Улсын Осакагийн Их Сургуулийг нийгмийн ухааны магистр, МУИС-ийн Олон улсын харилцаа, нийтийн удирдлагын сургуулийг докторантаар төгссөн байна.

АЖИЛЛАСАН БАЙДАЛ: