УИХ-ын гишүүн М.Нарантуяа-Нара гишүүний асуудлаар Ёс зүй, дэгийн байнгын хороо хуралдлаа.

         Энэ үеэр М.Нарантуяа-Нара гишүүн "Ажлын хэсэгтэй хуралдаад зөвлөгөө, тусламж аваад гарч ирлээ. Их хурлын нэр хүндэд барцад дагуулсан гишүүн болж байх шиг байна. УИХ-ын чуулганы хурлаас нэг удаа тасалсан нь үнэн, уучлал хүсэж байна. Гэхдээ хуралдаа хоцроод ирсэн тохиолдлыг тасалсан гэж үзэх буруу. Учир нь би картаа уншуулаад, санал хураалтад ороод явж байгаа. Надад дутагдалтай зүйл байна гэдгээ хүлээн зөвшөөрч байна. УИХ-ын шинэ гишүүдэд сургалт ороход өвчтэй байж таарсан учир би гадаад руу явах асуудалд дутуу мэдээлэлтэй байсан байна. Дахиж арилжааны лайв хийхгүй юм байна. Хийхгүй гэдгээ би мэдээд зарласан байсан ч сая алдаа гаргалаа" гэв.