УИХ-ын өнөөдрийн чуулганы үеэр Б.Пүрэвдорж гишүүн малчдын амьдрал хүндэрч байгаа талаар онцоллоо. Тэрбээр "Малчдын амьдрал хүнд байгаагийн улмаас малаа их нядалж байна.Энэ ч үүднээс өнгөрсөн жил 71 сая толгой малтай байсан бол өнөөдөр 64.7 сая толгой мал болж хорогдсон байна. Өвөлжилт хүндрэх нь гэж үзээд Засгийн газраас 100 тэрбум төгрөгийг гаргаж, Махны холбоотой хамтарч малчдын гар дээрх махыг авах арга хэмжээ зохион байгуулж байгаа. Энэ ажлыг  Батлан хамгаалахын сайд Г.Сайнбаяр ахлан сайн хийж байгаа. Нийт 44 компанид урилга өгсний 25 нь оролцохоор болсон. Засгийн газар өнөөдөр дээгүүр нисээд байхаас доогуур ажлаа хийхгүй байна. Нэг л их хулгай ярьж, илрүүлсэн хүмүүс байхаас бодит амьдрал дээр бууж, малчдын бараа бүтээгдэхүүний үнийг буулгах, махны үнэ өсгөх тал дээр хийж байгаа юм алга байна. Иймээс энэ тал дээр бодолтой, хурдтай ажлаарай" гэв.