• Өнөөдөр 2024-03-29

Я.Содбаатар: Т.Доржханд гишүүн PCR аппаратын үнийг Сангийн яамтай нийлээд шалгаж болно

2020-12-24,   777

УИХ-ын чуулганы үдээс хойших хуралдаан эхэллээ. Шадар сайд Я.Содбаатар болон Засгийн газрын сайд нар УИХ-ын гишүүдийн асуусан асуултад хариулт өгч байна. Тухайлбал, УИХ-ЫН ГИШҮҮН Т.ДОРЖХАНД “Хүүхдийн мөнгө олгосон нь сайн үр дүн өгсөн гэж байгаа. Мөн цахилгаан дулааны мөнгийг тэглэсэн. Одоо ажлын байр дэмжих, эргэлтийн хөрөнгийн санхүүжилт яригдаж байна. Энэ чиглэлээр арга хэмжээ авах юм уу. Хуульд тусгасан зүйл байна уу. PCR тоног төхөөрөмжөө хэдэн төгрөгийн үнээр аль улсаас авч байгаа вэ” гэхэд ШАДАР САЙД Я.СОДБААТАР “Эргэлтийн хөрөнгийн асуудлыг Монголбанк дээр ярилцаад УИХ-ын гишүүд хууль өргөн барихаар болсон. Харин Цар тахлын хуульд аж ахуйн нэгжүүдийн уялдаа холбоог илүү түлхүү оруулж ирсэн. Мөн PCR аппаратыг нэмэгдүүлэх чиглэлээр ажиллаж байна. ДЭМБ болон хандив тусламжаар орж ирсэн. ЭМЯ-ны сайд олон улсын хуралд цахимаар оролцохоор явсан учраас илүү дэлгэрэнгүй мэдээллийг хүргүүлье” гэлээ. Тэрбээр Т.Доржханд гишүүн Түр хорооны гишүүн учраас Сангийн яамтай нийлээд шалгачих хэрэгтэй гэв. 

Харин Т.Доржханд гишүүн Монголбанк сайн ажиллахгүй байгааг хэлээд "Бодит эдийн засгаа дэмжих хэрэгтэй байна” гэлээ. Мөн PCR шинжилгээ авах төхөөрөмжийг хэд дахин өндөр үнээр авч байна. ЭМЯ 240 саяын үнэтэй төхөөрөмжийг 647 сая төгрөгөөр оруулж ирж байна гэсэн мэдээлэл ирээд байгаа учраас үүнд анхаарах ёстой гэв.  Хариуд нь Я.Содбаатар сайд өндөр үнээр худалдаж авсан зүйл байхгүй гэсэн тайлбар хэллээ. 

Мөн Эрүүл мэндийн яамны Төрийн нарийн бичгийн дарга Я.Амаржаргал “PCR аппарат дангаараа нэг өөр үнэтэй, түүнийг дагалдах хэрэгслүүд нь тус тусдаа үнэтэй байгаа” гэлээ.


Я.Содбаатар: Т.Доржханд гишүүн PCR аппаратын үнийг Сангийн яамтай нийлээд шалгаж болно
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188