УИХ-ын чуулганы нэгдсэн хуралдаанаар ирэх оны төсвийн хүрээний мэдэгдэл, мөнгөний бодлогын талаар хэлэлцэж байна. Энэ үеэр УИХ дахь Ардчилсан намын бүлгийн гишүү н эсэргүүцэл үзүүлсэн юм. Тэд “Монгол Улсын хүн бүр 27 сая төгрөгийн өртэй”, “Тэвчиж болох зардлаа тана”, “Төрийн мөнгө гэж байхгүй, татвар төлөгчдийн мөнгө гэж л бий” гэх зэргээр самбар өмнөө байрлуулжээ.

УИХ-ын гишүүн С.Одонтуяа “Ардчилсан намын гишүүд хэд хэдэн тоо баримт, бараа бүтээгдэхүүний үнийг самбар болон хувцас дээрээ бичээд орж ирлээ. Ихэнх нь шоолж байна. Инээдэм биш шүү. Ард түмний амьдрал ямар байгааг энэ тоонууд гэрчилнэ. Монголбанкинд буруу байхгүй, тэд өөрсдийнхөө хэмжээнд ажлаа хийсэн. Харин улс төрийн шийдвэрээс үнийн өсөлт бий болсон. Өмнө нь дандаа Ардчилсан нам руу чихдэг байсан. Та нар өөрсдөө хариуцлагаа үүр, анхаарах ёстой. Хоёрдахь асуудал бол банкны системийн хямрал. Өнөөдөр хугацаа хэтэрсэн зээлийн үлдэгдэл 6.6 хувь, чанаргүй зээл 11.4 хувь байна. Эрх баригч нам муу ажилласны жишээ. Нэг гараараа мөнгөний нийлүүлэлтээ огцом өсгөж нөгөө гараараа  мөнгөний бодлогоо алдаж байна” гэлээ.