Н.АЛТАНХУЯГ: Төлөвлөлтөө сайжруулаач ээ, 120 тэрбум төгрөгөөр газар чөлөөлнө гэж яасан мөнгөтэй юм ярьдаг юм

2021-12-23, 16564

УИХ-ын өнөөдрийн чуулганаар Монгол Улс, Олон улсын сэргээн босголт, хөгжлийн банк хоорондын зээлийн хэлэлцээрийг соёрхон батлах тухай хуулийн төслийг хэлэлцлээ. Энэ хэлэлцээрийн хүрээнд 100 сая ам.долларын зээл авч, Улаанбаатар хотын автозамын салбарт хөрөнгө оруулалт хийхээр тооцож байгаа. Тэгвэл энэ зээлтэй холбоотойгоор УИХ-ын гишүүд байр сууриа илэрхийлсэн юм.

УИХ-ын гишүүн Н.Алтанхуяг “Ийм чухал асуудал хэлэлцэж байхад Их хурлын гишүүд гадуур тэнэж, унтахаа болъё оо. Би нэг юм хэлмээр байна. 100 сая ам.доллар аваад Улаанбаатарын хэдэн замыг янзална гээд байна. Энэ 100 сая ам.доллар ингээд үрэн таран болох нь л дээ. Зээл авч болно оо. Айлаас мөнгө авч хотоо янзалж бололгүй яах вэ. Гэхдээ төлөвлөлтөө сайжруулаагүй цагт энэ 100 сая ам.доллараар юм босохгүй ээ, Д.Сумъяабазар дарга аа. Хотын удирдлагууд бодлого, төлөвлөлтдөө анхнаас нь анхаараагүйгээс болж, ялангуяа М.Энхболдын үеэс бүх балаг эхэлсэн. Түгжрэл, утаа гээд бүгд тэндээс эхлэлтэй. Одоо гаднаас 100 сая ам.доллар аваад Улаанбаатарын хэдэн замыг янзална, ингэхдээ 30 тэрбум төгрөгөөр нь газар чөлөөлнө гэж солиорч байгаа биз дээ. Энэ ямар гээч их мөнгөтэй улс юм бэ. Төлөвлөлтөө сайжруулаач ээ. 1996 онд намайг УИХ-ын гишүүн болоход I хорооллын ард ямар ч айл байгаагүй. Гэтэл баахан айл буулгачихаад дараа нь зам тавина, мөнгө төлж газрыг нь чөлөөлүүлнэ гээд байдаг. Энэ 100 сая ам.доллар бол үрэн таран болно. “Гудамж” гэж хэрэгтэй төсөл байлаа. Гэтэл энэ төслийг Сангийн яаманд өгчихсөн байна лээ. Сангийн яам “Гудамж” төслөөр яг яах гэж байгаа юм. Энэ мэтээр Ардын намынхны зохион байгуулалт нь өөрөө буруу байна. Мэддэг, чаддаг хүмүүсээр нь ажлыг нь хийлгээч ээ. Баахан цүнх баригч, дарга нарт тал зассан залуучуудыг ажиллуулаад, тэд нь ийм зохион байгуулалтгүй, төлөвлөлтгүй юм хийх гээд байдаг. Уг нь энэ мөнгийг хэрэгтэй юм руу нь хийвэл мөн их хэрэгтэй юм хийж болно доо” гэлээ.

Н.АЛТАНХУЯГ: Төлөвлөлтөө сайжруулаач ээ, 120 тэрбум төгрөгөөр газар чөлөөлнө гэж яасан мөнгөтэй юм ярьдаг юм

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 1

Сэтгэгдэл үлдээсэн: 2021-12-23 15:38:48

zochin: yg uneniig chelj , ene ajil chariuuchsan chumuus nudee neej , ul suuritai tolovlogoo gargaj ajillaachee, sav l chiivel luivardachaa bodoch um !, yagaad !, odoo bolooschdee. Tuildaad ydraad ,chogschrood uurtai bolood bna naad ard tumen chin !!!!

Шинэ мэдээ

Нийтлэлчид