ОЮУНЛАГ ИРЭЭДҮЙН ТӨЛӨӨ

      "Эргэлт" сэтгүүлээс онцлох гурван хүүхдийг уншигч та бүхэнд танилцуулж байна.       

          Монголын анхны "Балдорж" шагналт редакц, МСНЭ-ийн 2021 оны "Монголын шилдэг мэдээллийн сайт", “Web awards 2023” наадмын оны онцлох редакци Эргэлт.мн мэдээллийн сайт улирал бүр “Эргэлт” сэтгүүлийг эрхлэн гаргадаг билээ.

       Бид гурав дахь дугаараа нийтлэл, ярилцлага, хөрөг, тэмдэглэл, сурвалжилга, эрэн сурвалжлах сурвалжилга, аян замын тэмдэглэл, орчуулга тэргүүтэй сэтгүүл зүйн бүх төрлийг багтааж, 333 хуудаст баринтаглан уншигчдын гарт хүрэхэд бэлэн болоод байна.      

Б.ГАНШАГАЙ:ТӨРИЙН НААДАМДАА ТОРГОН ЖОЛОО ӨРГҮҮЛЭХИЙГ МӨРӨӨДДӨГ

           Салхи, нар хоёрт дээлээ гандааж, сар, адуу хоёртой хээр хонож яваа энэ хүүг Батболдын Ганшагай гэдэг. Тэр уралдсан тэмцээн болгоныхоо тэргүүнд нь уурга, морь хоёртойгоо цойлж яваа 18-хан настай адуучин. Монгол Улсын аварга адуучин болох мөрөөдөлтэй энэ хүү Хэнтий аймгийн Биндэр сумын Баян-Өндөр багт амьдардаг.

                  Аав, өвөөгөө дагаж, арав гаруйхан настай хүү ахлах сургуулийн сурагч байхаас татгалзаж, адуучин болжээ. Зүүн бүсийн аварга адуучин, “Нүүдэлчин” дэлхийн соёлын фестивалийн аварга, Талын түмэн адуу наадмын аварга адуучнаар шалгарчихаад давхиж яваа Б.Ганшагайг “Монголын гэрэлт ирээдүй” буландаа урьж, ярилцжээ.

М.ЭНГҮҮН: ТӨГӨЛДӨР ХУУР ТОГЛОХОД ҮЛГЭРИЙН ОРОНД ОЧЧИХСОН МЭТ САНАГДДАГ

  “Brahms international music competition 2023” олон улсны төгөлдөр хуурчдын тэмцээнд Монгол Улсаа төлөөлөн бага насны долоон төгөлдөр хуурчид оролцож, бүгд шагналт байрт шалгарчээ. Тэдний нэг, 10 насны ангилалд тэргүүн байрт шалгарсан авьяаслаг төгөлдөр хуурч М.Энгүүний ярилцлагыг “Эргэлт” сэтгүүлээс уншаарай.

ХАМГИЙН ГОЁ НАСАА ДЭЛГЭЦЭНД МӨНХӨЛЖ ҮЛДЭЭСЭНДЭЭ БАЯРТАЙ БАЙНА

              Одоогоос таван жилийн өмнө “Girls” олон ангит кино үзэгчдийн хүртээл болж, өсвөр насныхныг хүүхдүүдийг байлдан дагуулж байлаа.  Харин одоо тус кино  олон шинэ дүрүүдээр бүл нэмж, илүү сонирхолтойгоор дөрөвдүгээр бүлгээ үзэгчдэд хүргэж байна.

 Бид энэ удаагийн “Монголын гэрэлт ирээдүй” буландаа  “Girls-4” олон ангит киноны гол дүр болох Б.Болд-Эрдэнэ,  Б.Мишээл нарыг урьж, ярилцжээ.

    Уншигч та бүхэн Монголын гэрэлт ирээдүй болсон хүүхдүүдийн догдлом, гэгээн ярилцлагуудыг “Эргэлт” сэтгүүлээс хүлээн авч уншаарай.