"Риакшн" продакшны үүсгэн байгуулагч, жүжигчин Х.Цасчихэрийн төрсөн өдөр өнөөдөр болж байна. Тэрбээр хошин урлагийн “Маск” продакшнаас ажлын гараагаа эхэлж байсан. Харин өдгөө продакшн үүсгэн байгуулж, "GHOST" уран сайхны кино, “Чи надад хайртай” зэрэг уран бүтээлийг хийсэн билээ. Мөн тэрбээр “Соёлын довтолгоо”, “Сүнс” уран сайхны кинонд гол дүр бүтээж, өөрийгөө чамгүй авьяастай нэгэн гэдгийг олон нийтэд харуулаад байна.  

               Жүжигчин Х.Цасчихэр манай сайтын сэтгүүлчид өгсөн ярилцлагадаа  Би "Риакшн" продакшнаа 2019 онд байгуулсан. Бид продакшныхаа нэрийг өгөх гэж их удсан. "Риакшн" бол хүний ямар нэгэн зүйлийг хүлээн авч байгаа байдал, үнэлгээ шүү дээ. Жүжигчин Э.Тодгэрэлтэй найзын холбоотой байж байгаад хамтран ажиллах санал тавьсан. Тэгээд 10 гаруй жүжигчин, уран бүтээлч нартай нэг баг болсон. Бид бүх ажлаа эн тэнцүү хамтаараа хичээж хийдэг. Өмнөх ажлаа хүлээлгэж өгөхөд ах нар маань “"Маск" продакшнаас сайн уран бүтээлчид гарч, "Маск" продакшн өргөжин тэлж, салаалж байна” гэж байсан. Биднийг тэгж үнэлсэн нь маш их  урам болсон. Гуравдугаар дамжааны оюутан байхдаа "Маск" продакшнд шалгалт өгч, тайзны туслахаар орж байлаа. Жүжиг хоорондын тайзыг засаж, жижиг хэрэгсэл бэлддэг байж байгаад  бүжигчин болж, цаашлаад жүжгийн эхлэл, төгсгөл хэсэгт гардаг болсон. Сургуулиа төгсөөд хоёр жилийн дараа тайзан дээр гарч, бусад уран бүтээлчидтэй жүжиглэдэг болсон. Хамгийн анхны байгууллага, хамт олон минь намайг элгэмсэг, дотноор угтаж, бас үдэж өгсөнд баярлаж явдаг” хэмээн сэтгэлээ илэрхийлсэн байдаг.