УДЭТ-ын уран бүтээлчид "Хайрын виз" жүжгийг энэ сарын 29-нөөс тоглоно

2023-09-25, 780

Улсын драмын эрдмийн театрын уран бүтээлчид "Хайрын виз" уянгын драмын жүжгийг шинэчлэн хүргэнэ. Тодруулбал, нэрт сэтгүүлч, зохиолч Ц.Балдоржийн "Хайрын виз" уянгын драмын жүжгийг Улсын Хүүхэлдэйн театрт энэ сарын 29-нөөс тоглохоор товложээ. Эл уран бүтээлийг 2006 онд үзэгчдэд анхлан хүргэсэн бол 2019 онд найруулагч М.Батболдын найруулгаар дахин олны хүртээл болгож байв. Харин энэ удаа шинэ найруулга, шинэ тавилт, шинэ уран бүтээлчидтэйгээр ийн хүргэх гэж байна.

Гэрлэлт бүр хайрын төлөө байдаггүй, хүн бүхэн ч хангалуун баян амьдардаггүй. Гэхдээ хүн бүрт мөнгө хэрэгтэй, танд ч, надад ч, хэн бүхэнд. Эд хөрөнгөөр дутаж үзээгүй эрх танхил залуу Жаргал болон түүний найз Цэнгэл гэх хоёр залуу анхны уулзалтаар хүнийг өөртөө дурлуулах боломжтой гэж үзэн телевизийн шоу нэвтрүүлэг хийх зорилгоор Сүндэр, Ану гэгч хоёр бүсгүйтэй танилцаж буйгаар жүжгийн үйл явдал өрнөнө.

Ерөнхий продюсер: Д.Цэрэнсамбуу /МУУГЗ/

Ерөнхий найруулагч: М.Батболд /МУСТА/

Ерөнхий зураач: Т.Ганхуяг /МУУГЗ/

Ассистент найруулагч: М.Лхагва

Дууны найруулагч: Т.Майдаржав

Туслах найруулагч: С.Ариунжаргал /МУСТА/, Б.Сандуйжав /МУСТА/

Маркетингийн баг: С.Энхболд /МУСТА/, З.Халиун, А.Халиун

Дүрүүдэд:

Жаргал - Т.Сэргэлэн /МУСТА/

Цэнгэл - Ц.Жаргалсайхан

Сүндэр - П.Мягмарсүрэн

Ану - Б.Ариунхишиг,

Аав - М.Түвшинхүү /МУСТА/

Ээж - С.Ариунжаргал /МУСТА/

Цэнгэл - О.Гэрэлсүх /МУСТА/

Зөөгч - И.Дашнамжил, Г.Эрдэнэболд,

Гэрч - П.Оюунчимэг /МУСТА/

Олны хэсэг - УДЭТ-ын дэргэдэх “Театр” студийн жүжигчид

УДЭТ-ын уран бүтээлчид "Хайрын виз" жүжгийг энэ сарын 29-нөөс тоглоно

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.