Монгол Улсын Гавьяат жүжигчин С.Жавхлан энэ сарын 30-нд тоглолтоо хийхээ мэдэгдсэн.

          Энэ талаар тэрбээр хэвлэлийн бага хурлынхаа үеэр “Дулаахан намар” тоглолт өмнөх тоглолтоос илүүтэй ач холбогдол өгсөн, цохилттой тоглолт болох гэж байна. Араас минь шинэ залуу үе төрж байна, тэднийгээ дэмжих, “Хамаг Монгол” төслөө үргэлжлүүлж, түмэн олноо соён гэгээрүүлэх зүйл рүү түлхүү орно. Тэгэхээр идэр насны минь сүүлийн тоглолтыг хийж, түмэн олонтойгоо дуу хуураа хуваалцья гэж бодсон. Тоглолт үзэхээр ирсэн ахан дүүс минь дээлтэй ирэхийг уриалж байна. Мөн тоглолтыг гадаадад амьдардаг монголчууддаа хүртээмжтэй байх үүднээс тусдаа групп нээгээд үзэхээр төлөвлөсөн байна. Ном журмын дагуу билетээ аваад баталгаажуулснаар үзэх боломжтой. Төв цэнгэлдэх хүрээлэнд болох эл тоглолтын дараа 21 аймгаар аялан тоглолтоо хийнэ. Миний пэйж хуудсаар хамгийн их мэндчилгээ илгээж, идэвхтэй байсан аймагт түрүүлж очиж тоглоно” гэв.