"Эгчийг маань манай гэрээс явуулаад өгөөч, надад аягүй хэцүү байна” хэмээн үзэгчдээс "гуйсан" дэггүй, шударга охины видео бичлэг өнгөрсөн намар сошиалаар түгэж, олны хайр, инээдийг хүргэж, заримаас нь зэмлэл ч хүртсэн билээ. Тийн үнэнээ хэлсэн видео бичлэг хийгээд эгчийгээ гэрээсээ явуулсан уу, эсвэл эгч нь "гэмээ цайруулж", дүүгээ эрхлүүлээд эвлэрч чадсан уу гэдгийг видео бичлэгийн эзэн 11 настай Б.Бадамхатантай холбогдож тодрууллаа. 

-Сайн уу. Чамд энэ өдрийн мэнд хүргэе. Манай уншигчдад өөрийгөө танилцуулж болох уу?

         -Намайг Б.Бадамхатан гэдэг. Би Говь-Алтай аймгийн Б.Гомбын нэрэмжит лаборатори нэгдүгээр сургуулийн тавдугаар ангид суралцдаг.

-Өнгөрсөн намар "Манай эгч намайг загнахаас гадна утсыг маань хурааж авчихаад хэцүү байна. Эгчийг манай гэрээс явуулаад өгөөч" гэсэн утгатай видео бичлэг хийж, олон нийтэд хандсан байсан. Үнэхээр эгчийгээ гэрээсээ явуулахыг хүссэн юм уу. Эсвэл хөгжилтэй байх гэж л тэр бичлэгийг хийсэн юм уу?

       одоо бол тэр үеийн явдлуудыг мартаад, хичээлдээ анхаарч байна. 

 -Би тэр дүрс бичлэгийг яагаад хийх болсон шалтгаанаа хэлье. Эгч минь нөхрийгөө зуурдаар саяхан алдсан. Одоо ч маш их гунигтай байгаа. Өдөр бүр гуниглаж, орноосоо ч босохгүй байгаа. Гэхдээ "Тийм бичлэг хийж тоглосонд уучлаарай, аниа. Гэрийнхэн маань таныг инээж, жаргалтай байхыг хүсэж байгаа. Дүү нь танд хайртай шүү. Таныгаа инээхийг дахин хармаар байна" гэж дахин хэлье. 

-Бичлэгийг нь үзсэн хэн ч чамайг эгчийгээ түр ч атугай инээлгэх гэж тийм зүйл ярьсныг мэдээгүй. Бүгд л яг болж байгаа үйл явдал, чамайг эгчдээ байнга загнуулж дээ гэж ойлгосон байх. Чи санаагаа зөвөөр ойлгуулж чадаагүй ч сайн зүйл хийжээ. Эгч нь тэр бичлэгийг үзээд инээсэн үү?

         -Дээр ярьснаас гадна бас нэг юм байгаа юм аа. Би бас эгчийгээ өдмөөр санагдаад байсан юм. Эгч маань уулзалгүй зөндөө удаж удаж, Улаанбаатар хотоос ирчихээд намайг огт тоохгүй, ер нь бол ойртохоор загнаад байсан юм л даа. Тэгээд инээлгэхээс гадна өдмөөр санагдаад байсан нь үнэн. Эгч тэр бичлэгийг тоогоогүй ээ. Намайг харж байхад лав инээгээгүй. Харин аав, ээж хоёр намайг загнасан. 

Эгч тэр бичлэгийг тоогоогүй ээ. Намайг харж байхад лав инээгээгүй. Харин аав, ээж хоёр намайг загнасан. 

"Тийм бичлэг хийж тоглосонд уучлаарай, аниа. Гэрийнхэн маань таныг инээж, жаргалтай байхыг хүсэж байгаа. Дүү нь танд хайртай шүү. Таныгаа инээхийг дахин хармаар байна" гэж дахин хэлье.

-Найзууд, үеийнхэн, таньдаг хүмүүс нь юу гэсэн бэ?

         -Найзууд маань "Хатаан чи ямар зоригтой юм бэ" гэж байсан. Гэхдээ зарим хүн намайг "Ямар хүмүүжилгүй хүүхэд вэ" гэх мэтээр шүүмжилсэн байсныг уншаад сэтгэлээр жаахан унасан. Гэхдээ одоо бол тэр үеийн явдлуудыг мартаад, хичээлдээ анхаарч байна. 

Тэр өдөр надад хамгаас сайхан дурсамж болж үлдсэн.

-Бусдыг инээлгэж, жаргалтай байлгах гэж ямар нэг оролдлого хийх чинь сайн зүйл шүү дээ. Эгч нь чамд хэлээгүй ч баярласан, чамайг дотроо хайрласан байх аа. 

            -Эгчийгээ надад хайртайг мэднэ л дээ. Гэхдээ бусдыг ялангуяа дүүгээ хайрлаж байгаагаа ил гаргаж байх хэрэгтэй гэж хэлмээр байна.