Оросын шинжлэх, ухаан соёлын төвд “Фронт” хэмээн алдаршсан С. Цэгмид ОХУ-ын Төрийн дээд шагнал “Бүх ард түмний найрамдлын одон” хүртэхээр болжээ. Тэрбээр 18 насандаа “Улсын сайн малчин” болж, Хөдөлмөрийн гавьяаны улаан тугийн одонгоор энгэрээ мялааж байсан бол 82 жилийн дараа Монгол Улсын гавьяат малчин хүртсэн билээ. С.Цэгмид гуай мал маллаж, ажил хөдөлмөрөөрөө шалгаран Улсын сайн малчдын анхдугаар хуралд төлөөлөгчөөр сонгогдон оролцож, тэндээсээ Дэлхийн II дайны фронтод бэлэг хүргэж өгч явсан түүхэн хүн билээ. С.Цэгмид гуайг мөн өнгөрсөн дөрөвдүгээр сард Оросын Холбооны Улсын Ерөнхийлөгчийн зарлигаар Аугаа Эх орны дайны ялалтын 75 жилийн ойн медалиар шагнагдсан юм аа. Үйлс буян нь дэлгэрсэн бууралдаа зуу насалж, зургаадай таяг тулахын ерөөлийг дэвшүүлье.