Нийтийн хоолны салбарын орлого энэ оны эхний есөн сард 421.1 тэрбум төгрөг болж, өмнөх оны мөн үеийнхээс 33.1  тэрбум төгрөгөөр багасжээ. Үүнд рестораны орлого 32.7 тэрбум төгрөгөөр багассан нь голлон нөлөөлснийг Үндэсний статистикийн хороо мэдээллээ.

Харин захиалгат хоолны хүргэлтийн үйлчилгээний орлого өмнөх оны мөн үеийнхээс 4.9 тэрбум төгрөгөөр нэмэгдлээ. Нийтийн хоолны салбарын орлого энэ оны долдугаар сард 50.2 тэрбум төгрөг болж, өмнөх сарынхаас 315.5 сая төгрөгөөр багасаж, наймдугаар сард 68.4 тэрбум төгрөг болж, өмнөх сарынхаас 18.2 тэрбум, есдүгээр сард 69.8 тэрбум төгрөг болж, өмнөх сарынхаас 1.4 тэрбум төгрөгөөр нэмэгдсэн байна.

Захиалгат хоолны хүргэлтийн үйлчилгээний орлогын эзлэх хувь өмнөх оны мөн үеийнхээс 2.6, гуанзных 0.5, кафеных 0.1 нэгж хувиар нэмэгдэж, харин рестораны орлогын эзлэх хувь 3.2, баарных 0.1 нэгж хувиар багасжээ.