"BTS" хамтлаг “BigHit” /Hybe/ энтертайнменттай хийсэн гэрээгээ сунгажээ. Ингэснээр гишүүд цэргийн албаа хааж дуусаад 2025 онд бүрэн бүрэлдэхүүнээрээ эргэн цуглах боломжтой боллоо. БНСУ-ын хуулийн дагуу Ким Согжин, Жон Хусог нар цэргийн алба хааж байгаа бөгөөд  Мин Юнги энэ сарын 22-нд цэрэгт явахаар болсон талаараа мэдээлсэн.

        "BTS" хамтлаг нь 2013 оны зургадугаар сарын 13-нд дебют хийж байсан юм. 10 жилийн турш тогтвортой үйл ажиллагаа явуулахдаа олон улсын хөгжмийн наадмын 726 номинацид нэр дэвшиж, нийт 515 шагналын эзэн болж, 41 Гиннесийн амжилтыг шинэчлэн тогтоожээ.

       Энэ хугацаанд НҮБ-ын Ерөнхий Ассамблейн чуулган дээр илтгэл тавьсан, үзүүлбэр үзүүлсэн, “Billboard Music Awards”, American Music Awards” хөгжмийн наадмаас шагнал авсан, үзүүлбэр үзүүлсэн, “Grammy Awards” нэр дэвшсэн, үзүүлбэр үзүүлсэн анхны к-поп хамтлаг болсон билээ. Мөн  АНУ-ын Ерөнхийлөгч Жо Байдентай уулзаж, Цагаан ордонд үг хэлсэн анхны к-поп хөвгүүдийн хамтлаг юм.