Зуны улиралд арьсаа наранд борлуулж, гэмтээсэн иргэд хурдан цайруулахын тулд хэт хүчтэй бодис хэрэглэх, арьсандаа тохироогүй эмчилгээ хий зэргээр арьсаа улам гэмтээдэг байна. Ингээд арьс арчилгааны талаар "Norah aesthetic studio" гоо сайхны эмнэлгийн зөвлөх эмчтэй ярилцлаа.

-Сайн байна уу, зуны улиралд наранд арьсаа гэмтээсэн иргэд арьсаа хурдан цайруулахын тулд буруу арга хэмжээ авч арьсаа гэмтээх тохиолдол гардаг уу?

           -Энэ өдрийн мэнд хүргэе. Манай эмнэлэгт арьсаа цайруулахын тулд хэт химийн найрлагатай бүтээгдэхүүний арьс гуужуулалт хийгээд арьсаа гэмтээчихсэн болон лазерт ороод арьсаа гэмтээсэн эсвэл ямар ч нар, салхинаас хамгаалсан бүтээгдэхүүн хэрэглээгүйн улмаас арьсандаа хиймэл гэмтэл үүсгэчихсэн хүмүүс ирдэг .Тэр тохиолдолд бид тухайн өвчтөний арьсыг үнэлж оношилж өөрт нь тохирох тарилга болон бусад арчилгаа үйлчилгээ бүтээгдэхүүнийг санал болгодог. 

-Түлэгдсэн арьсыг хэрхэн зөв сэргээж, цайруулах ёстой вэ. Арьсны онцлогоос шалтгаалаад эмчилгээ өөр байдаг уу?

            - Мэргэжлийн арьс гоо заслын эмнэлэг болон гоо сайхны газрууд үйлчлүүлэгчдээ аюулгүй үр дүнтэй систем эмчилгээний жорыг бичиж санал болгох ёстой. Хүн бүрийн арьс харилцан адилгүй. Тослог, хуурай, нүхжилтэй, дээр нь нэмээд харшилтай гээд тэр болгонд тохирсон эмчилгээг мэргэжлийн хүн харж анзаарч эмчилгээ, арьс арчилгааг хийх хэрэгтэй. Гэрийн нөхцөлд арчилгаа үйлчилгээ хийхэд төвөгтэй арьсны онцлогтой хүн ч бий. Жишээ нь, хэт батгатай арьс. Энэ тохиолдолд заавал мэргэжлийн гоо сайханчид хандаж батгыг заавал цэвэрлүүлж байх ёстой. Жишээ нь, хуурай арьстай хүнд бол зуны улирал тохиромжтой. Гэтэл тослог арьстай хүнд зуны улиралд эсрэгээрээ илүү арчилгаа шаардлагатай байдаг. Тослог арьстай хүнд зуны улиралд өөрийн биеийн температураас гадна халуун халаад ирэхээр улайгаад хөлрөөд тослогтож хэцүү болдог.

-Монголчууд арьс арчилгаа хийхдээ гаргадаг нийтлэг алдаа юу вэ? 

               -Монголчууд маань өдөр шөнөгүй нүүрээ угаагаад усны чийг бүх балансаа алдаад байдаг. Тэгээд энэ хуурай цаг уурын хувьд бол бүр улам хуурайшиж үрчлээ үүсгээд арьсаа улам эмзэгшүүлээд байдаг. Тиймээс зөвхөн нүүрээ угаахаас гадна арьс, насандаа тохирсон арьс арчилгааг хийх хэрэгтэй. Сүүлийн үед технологи, аппарат, үйлчилгээний дэвшил гарч, сонголт их болсон. Бүтээгдэхүүн хүртэл бүгд химийн найрлагаасаа татгалзаж эсийн түвшинд арьсны гүнээс эрүүл залуужуулах бүтээгдэхүүн үйлчилгээг нано технологийг ашиглаж хийдэг болсон байна. Манай эрс тэрс уур амьсгалтай орны хувьд нарны тосыг өвөл, зуны улиралд байнгын хэрэглээ болгох хэрэгтэй. Нарны тосыг зөв хэрэглэх нь чухал. Жишээ нь, шууд нүүрээ угаачихаад нарны тосыг түрхэх нь буруу, заавал доор нь чийгшүүлэх бүтээгдэхүүний дараа нарны тос түрхэж хэрэглэх хэрэгтэй. Манай эмнэлгийн хувьд улирал хамаарахгүй хийгддэг тройпийл гуужуулах үйлчилгээний бүтээгдэхүүнийг санал болгодог. Арьсны тулгамдаад байгаа бүх л асуудлыг нэг дор шийддэг. 

-Нүүр цэвэрлэгээний хэрэглэл болон алчуураа сольсоноор арьсны өвчин дамждаг гэдэг. Энэ үнэн болов уу? 

             -Бидний эргэн тойрон дахь олон зүйл дээр бактери үржих эрсдэл өндөр байдагтай адил нүүрний порлон болон алчуур дээр ч бактери үрждэг. Тиймээс арьс арчилгааны бүтээгдэхүүн арьсанд хүрдэг хэрэглэлийг солихгүй байх хэрэгтэй. Мөн нүүрээ угаасан тохиолдолд дарж үрж арчих биш зөөлөн шингээж нүүрний нэг удаагийн цаасан алчуур хэрэглэвэл их зохимжтой.

-Арьс гоо заслын эмчийн хувьд зөв арьс арчилгааны талаар зөвлөгөө өгөхгүй юу?

          -Насан туршдаа өмсөх хамгийн гоё даашинз бол бидний арьс. Тиймээс хамгийн гол хөрөнгө оруулах зүйл бол таны арьс, гоо сайхан. Зарим хүн гоо сайхны бүтээгдэхүүн сонгохдоо үнийн хямдыг харж сонгодог дутагдал харагддаг. Хэрвээ та өөртөө үнэ цэн олгодог бол зөв оновчтой чанарын баталгаатай үр дүн өндөр хөрөнгө оруулалт хийгээрэй.