• Өнөөдөр 2026-10-11

УИХ-ын гишүүн асан Д.Лүндээжанцан шатрын дэлхийн аварга шалгаруулах тэмцээнд оролцож байна

2021-10-19,   2008

Шатар сонирхогчдын дэлхийн аварга шалгаруулах тэмцээн эхэллээ. Аравдугаар сарын 16-26-ны өдрүүдэд Бүгд Найрамдах Грек Улсын Родес хотноо болж буй тус тэмцээнд Монгол Улсаас таван тамирчин оролцож байна.
 
Тэмцээний,
 
  • 1700 хүртэлх ангилалд өсвөрийн шилдэг шатарчдын нэг Н.Содбилэгт, шатрын зүтгэлтэн, УИХ-ын гишүүн асан Д.Лүндээжанцан,
  • 2000 хүртэлх ангилалд ДШХ-ны дэд мастер, өсвөрийн шилдэг шатарчид М.Мандухай болон Б.Тэнүүнболд, 
  • 2300 хүртэлх ангилалд 2019 оны сонирхогчдын Дэлхийн Аварга, ФИДЕ мастер Б.Халиун нар оролцож байна.
Энэ жилийн сонирхогчдын ДАШТ-д ОХУ, БНЭУ тэргүүтэй нийт 30 гаруй улс тамирчдаа илгээсэн байна.
 
Энэ талаар Монголын Шатарын холбооноос "Энэхүү тэмцээнд оролцоход шуурхай дэмжлэг үзүүлсэн ГХЯ-ны Консулын газар болон шатрын зүтгэлтэн Д.Лүндээжанцан мөн бусад бие бүрэлдэхүүнд гүн талархал илэрхийлье.
 
Тус тэмцээнд оролцоход цар тахалтай холбоотойгоор виз авахад цаг хугацааны хүндрэл гарсан тул зарим тамирчид маань оролцож чадаагүй харамсалтай гэнэтийн зүйл тохиолдсонд холбооны зүгээс мөн уучлал хүсье. Дараагийн олон улсын тэмцээнд одоогийн удирдлагын баг аливаа алдаа гаргахгүйн төлөө хичээж ажиллах болно" хэмээн мэдэгдээд баг тамирчдад амжилт хүсжээ. 

УИХ-ын гишүүн асан Д.Лүндээжанцан шатрын дэлхийн аварга шалгаруулах тэмцээнд оролцож байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2026 © Зохиогчийн эрх хуулиар хамгаалагдсан. Мэдээлэл хуулбарлах хориотой.