32 дахь удаагийн “Токио-2020” зуны олимпын наадмын гурав өдөр жүдо бөхийн эрэгтэйчүүдийн -73 килограмм жинд Япон Улсын тамирчин, олимп, дэлхийн аварга Оно Шохей дахин түрүүлж, олимпын хошой алтан медальтай болсон. Долоон жилийн жүдо бөхийн замналдаа нэг ч ялагдаагүй яваа Оно Шохейн баярын сэтгэгдлийг Монгол Улсын Хөдөлмөрийн баатар, гавьяат тамирчин Д.Дагвадорж цахим сүлжээгээр хуваалцсан байна.

Д.Дагвадорж түүнд хандаж, “Баяр хүргэе. Монголчууд бүгд чиний талаар ярьж байна” гэжээ.

Харин хариуд нь Оно Шохей “Баярлалаа. Үүнийг хийж чадлаа. Би Монгол Улс руу дахин очих болно” хэмээсэн байна.