Пан Америкийн наадам Чили Улсын Сантьяго хотноо аравдугаар сарын 20-ны өдөр нээлтээ хийж дөрөв дэх өдрөө үргэлжилж байна. Тус наадмыг одоогийн байдлаар  АНУ 40 алт, 18 мөнгө, 23 хүрэл нийт 81 медальтай хошуучилж байгаа бол Мексик Улс 15 алт, есөн мөнгө, долоон хүрэл медальтайгаар хоёрдугаар байрт, Канад Улс 12 алт, 15 мөнгө, 13 хүрэл медальтайгаар гуравдугаар байрт тус тус явна. 

         Тус наадамд Пан Америкийн спортын байгууллагын 41 гишүүн орны 6500 гаруй тамирчин өрсөлдөж байна. Хойд, Төв, Өмнөд Америк ба Карибын тэнгисийн орнуудын тамирчид,  өрсөлдөж буйгаас спортын 25 төрөлд олимпын эрх олгох аж. Тодруулбал Парисын 2024 оны олимпын эрх олгох 100 гаруй квот байгаа ба байт харваа, уран сайхны гимнастик, уран сайхны сэлэлт, бокс, сэлэлт, усанд шумбах, морин спорт, хоккей, гандбол, орчин үеийн таван төрөлт, дарвуулт завь, буудлага, спорт авиралт, серфинг, усанд сэлэлт, ширээний теннис, теннис, усан поло зэрэг спортууд багтах юм байна.