Батлан хамгаалах яамны харьяа “Цэргийн гавьяаны улаан тугийн одон”-т Зэвсэгт хүчний “Алдар” спорт хорооны шатрын клубээс анх удаа зохион байгуулагдаж буй "Алдар" шилжин явах цомын анхдугаар тэмцээн эхэллээ. Энэхүү тэмцээн нь 8-18 насны охид, хөвгүүдийн дунд зохион байгуулагдаж байна.

         Цаашид уг тэмцээнийг жил бүр зохион байгуулан явуулах бөгөөд Батлан хамгаалах яам, “Алдар” спорт хорооны бодлого, үйл ажиллагааг олон нийтэд сурталчлах, шатрын спортыг түгээн дэлгэрүүлэх, шатрын спортоор дамжуулан найрсаг уур амьсгал бүрдүүлэх, өсвөр үеийн шатарчдыг тэмцээн уралдаанаар дамжуулан хөгжүүлэх зорилготой юм. Тэмцээний ерөнхий зохион байгуулагч МУГТ шатрын их мастер Б.Мөнгөнтуул, МУГТ шатрын их мастер Ц.Батчулуун, Их мастер С.Билгүүн, ОУХМ Д.Янжиндулам нар ажиллажээ.