• Өнөөдөр 2025-08-20

О.Хангай аварга Замын-Үүдийн Гаалийн газрын барилдаанд түрүүлэв

2023-10-17,   619

        Замын-Үүд дахь гаалийн газар үүсэн байгуулагдсаны түүхт 100 жилийн ойн баяр тохиов. Тус ойд зориулсан хүчит бөхийн барилдаан Дорноговь аймгийн Замын-Үүд хотын "Соёл, спортын ордон"-д энэ сарын 16-ны өдөр зохиогдож өндөрлөлөө. Энэ удаагийн барилдаанд Монгол Улсын даян аварга Намсрайн Батсуурь, аварга Оргихын Хангай, гарьд Цэдэнсодномын Бямба-Отгон, заан Баярхүүгийн Бат-Өлзий тэргүүтэй улс, аймаг, сумын алдар цолтой 64 бөх зодоглов.

           Үүнээс Говь-Алтай аймгийн Жаргалант сумын харьяат "Аврагч" спорт хороо, "Од групп", "Их Монгол" сан, "MGO trans" ХХК-ий бөх Монгол Улсын аварга Оргихын Хангай 6 даван түрүүллээ. Тэрбээр нэгийн даваанд Дорноговь аймгийн Замын-Үүд сумын харьяат залуу бөх У.Мөнхтулгыг давсан. Үргэлжлүүлэн аймгийн арслан М.Баяржавхлан, аймгийн заан Х.Бөхбаяр, улсын начин Э.Сумъяабат, Б.Түмэндэмбэрэл, улсын харцага Н.Золбоо нарыг өвдөг шороодуулсан юм.

Шөвгийн дөрвөн бөх:

Улсын аварга О.Хангай

Улсын харцага Н.Золбоо

Улсын начин Б.Түмэндэмбэрэл

Улсын заан Б.Бат-Өлзий


 

 


О.Хангай аварга Замын-Үүдийн Гаалийн газрын барилдаанд түрүүлэв
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.