Сэлэнгэ аймаг, Сайхан сумын Хөтөл тосгоны "Монголын таэквондо хөгжлийн төв" клубийн тамирчин, Дэлхийн таэквондогийн холбооны хар бүс таван дантай, ОУХМ Болдбаатарын Баатархүү АНУ-ын Мериланд тэмцээнд оржээ. Тэрбээр тус мужийн  2023 оны аравдугаар сарын 14-ний өдөр зохион байгуулагдсан "2023 U.S TAEKWONDO FESTIVAL CHAMPIONSHIPS" буюу АНУ-ын таэквондогийн “Их Наадам”-ын тулааны төрөлд (74 кг) жинд дөрвөн тулааныг амжилттай хийж хүрэл медаль хүртжээ.

           Б.Баатархүү саяхан арав хоногийн өмнө Вашингтон ДС хот дахь их сургуулийн мастерийн зэргээ амжилттай хамгаалж, сургуулиа төгссөн юм. Ажиллаж, суралцахын хажуугаар бэлтгэлээ хийж, тэмцээндээ амжилттай оролцсоор энэ 2023 онд гурван алт, нэг хүрэл медалийг хүртэж, Америкийн таэквондочдын дунд “Mongolia Heroboy” нэрээр танигдсан, эх орныхоо нэрийг өндөрт өргөж яваа тамирчин юм.