Батлан хамгаалах яамны зэвсэг хүчний “Алдар” спорт хорооны дасгалжуулагч, Монгол Улсын гавьяат тамирчин Бадрахын Одончимэг энэ өдөр мэндэлжээ. Тэрбээр 2009 оны Херникийн ДАШТ-ээс хүрэл медаль, 2013 онд багийн дэлхийн цомын мөнгөн медаль, 2006 онд оюутаны ДАШТ-ээс мөнгөн медаль, 2018 онд цэргийн ДАШТ-ээс хүрэл медальт, 2006 оны Азийн наадмаас хүрэл медальт хүртэж байв.

           Мөн түүнчлэн 2008, 2012, 2013, 2015 оны Азийн аварга шалгаруулах тэмцээнээс мөнгөн медаль, 2007, 2009, 2011 онд Азийн аваргаас хүрэл медаль, 2010 оны Иван Ярыгины “Алтан гран-при”  олон улсын тэмцээнээс мөнгө, 2016 оны Иван Ярыгины  “Алтан гран-при” тэмцээний аварга бөх юм.

          Б.Одончимэг гавьяат 2008, 2014 оны Бакугийн “Гран-при” тэмцээнээс мөнгөн медаль, 2013 онд Бакугийн “Гран-при” тэмцээнээс хүрэл медаль, 2007 оны Ясир-Догугийн  тэмцээний аварга, 2014 онд  Дан Колов тэмцээнээс хүрэл медаль, 2013 оны “Рolind –open” тэмцээнээс хүрэл медальт, 2007 оны “NYAC women open” тэмцээний аварга,  2007 оны “Riminii” олон улсын тэмцээний аварга, 2008 онд Монгол Улсын “Ерөнхийлөгч цом” олон улсын тэмцээний аварга болсон юм. Үүнээс гадна 2011 онд Буриадын “ерөнхийлөгч цом” ОУТ-ийн аварга, 2014 оны “Mongolia-open” ОУТ-ийн аварга,  чөлөөт бөхийн Монгол Улсын 11 удаагийн аварга болсон гайхалтай амжилтын эзэн билээ.