Хятадын Ханжоу хотод Азийн зуны спортын 19 дүгээр наадам 14 дэх өдрөө болж байна. Өнөөдөр чөлөөт бөхийн эрэгтэйчүүдийн 65 кг-ын жинд Үндэсний шигшээ багийн тамирчин, ДАШТ-ий хүрэл медальт Т.Тулга БНАСАУ-ын бөх Ким Вон Жинийг илүүрхэн 11:0-ээр илүүрхэн цэвэр ялснаар алтан медалийн төлөө барилдахаар шалгарлаа.

       Шигшээ барилдаанд түүний учраа нь Ираны бөх, өсвөр, залуучууд, насанд хүрэгчдийн дэлхийн аварга, Азийн хошой аварга Рахман Амузад Халили байх юм. Мөн өнөө орой эрэгтэйчүүдийн 57 кг-ын жинд Н.Насанбуян, эмэгтэйчүүдийн 68 кг-д Э.Дэлгэрмаа, 76 кг-д Г.Ариунжаргал нар хүрэл медалийн төлөө барилдах юм.