“Ханжоу 2022” Азийн наадмын жюү жицү бөхийн тэмцээн өнөөдөр үргэлжилж байна. Жюү жицүгийн эрэгтэйчүүдийн 77 кг-ын жинд өрсөлдсөн “Гаруда” клубийн тамирчин М.Даваадорж эхний шатанд Кувайтын бөхийг 2:0-ээр ялж, шигшээ 16-д Туркменистаны бөхийг 2:0-ийн харьцаатайгаар ялсан.

          Шигшээ наймд шалгарсан боловч хагас шигшээд шалгарахын төлөө Өмнөд Солонгосын тамирчин Коо Бунчолд 2:0-ийн харьцаатай ялагдсан. Дагах тойргийн барилдаанд шилжиж Узбекистаны тамирчинг идэвхийн оноогоор ялж, хүрэл медалийн төлөө барилдахаар боллоо. Тэрбээр хүрэл медалийн төлөө Сингапурын бөхтэй 15:00 цагаас барилдана.