Хойд Солонгос буюу БНАСАУ  "Ханжоу 2022" Азийн наадмын хүндийг өргөлтийн төрөлд үнэмлэхүй амжилтыг гаргаж байна. Одоогоор эрэгтэй, эмэгтэй 10 жингийн медальтнууд тодроход зургаад нь Хойд Солонгосын тамирчид түрүүлснээс гадна дэлхийн рекорд амжилтыг олонтоо тогтоолоо. 2018 оноос хойш олон улс, тив, дэлхийн тэмцээнд оролцоогүй байсан тэдний хүндийг өргөлтийн тамирчид нь онцгой байв.

         Хойд Солонгосын баг одоогоор 10 алт, 16 мөнгө, есөн хүрэл медаль аваад байгаагаас хүндийг өргөлтөөр зургаан алт, таван мөнгө, хоёр хүрэл медавь аваад байгаа юм. Энэ төрөлд зохион байгуулагч Хятадын болон Хойд Солонгосын тамирчдын хооронд гол өрсөлдөөн болж байна. Азийн наадмын хүндийг өргөлтөөр одоо эрэгтэй, эмэгтэй тус бүр хоёр жингийн тэмцээн үлджээ.