“Ханжоу 2022” 19 дэх удаагийн Азийн наадмын жюү жицүгийн төрлийн өрсөлдөөн өнөөдөр эхэллээ. Манай улсаас өнөөдөр эрэгтэйчүүдийн 69 кг-ын жинд Т.Түвдэнтарваа, Э.Чинзориг, 62 кг-ын жинд Ө.Эрдэнэбаатар, Б.Баяртулга, эмэгтэйчүүдийн 48 кг-д Б.Одгэрэл, Т.Уянга нар өрсөлдөж байна.

      “Жамп” хөтөлбөрийн тамирчин Т.Түвдэнтарваа эхний барилдаанаа Саудын Арабын тамирчин Мухаммед Ибрахимийг идэвхийн оноогоор ялж, хасагдах шатанд Тайландын Хасде Куннапонгийн эсрэг хийн 3:0-ээр ялж, улмаар шөвгийн наймд АНЭУ-ын тамирчин Алсувайди Мухаммедед ялагдлаа.

          Тэрбээр дагах барилдаанаа АНЭУ-ын бөх Яабрын эсрэг хийнэ Мөн энэ жинд өрсөлдсөн Э.Чинзориг эхний барилдаанаа Лаосын тамирчинтай хийж 5:0-ээр илт давуу ялж, хасагдах шатанд Сингапурын тамирчинд ялагдсанаар тэмцээнээ өндөрлүүллээ.

         Эрэгтэйчүүдийн 69 кг-ийн жинд Ө.Эрдэнэбаяр Филиппиний тамирчин Мангубатыг буулган авч, улмаар хасагдах шатны өрсөлдөөнийг АНЭУ-ын тамирчны эсрэг хийх хуваарьтай байна. Харин 69 кг-д хүч үзэж буй манай улсын тамирчин Б.Баяртулгийн хувьд эхний барилдаанаа Саудын Арабын Алмурдхигийн эсрэг хийнэ. Шигшээ барилдаанууд 15:00 цагаас эхлэх хуваарьтай байгаа.