Дархан хотын Сагсан бөмбөгийн холбооны урилгаар Дархан хотод ажиллахаар ирсэн Серби дасгалжуулагч Петар Шашлия-ыг  Дархан-Уул аймгийн Засаг дарга Б.Азжаргал хүлээн авч уулзаж саналаа солилцлоо.

        Серби дасгалжуулагчийг ажиллах заал танхим, амьдрах байраар хангах, хүүхэд залуучуудыг тогтмол тэмцээн уралдаанд оролцуулах боломжийг бүрдүүлэх, 2023-2024 оны хичээлийн жилд хүүхдийн сагсан бөмбөгийн лигийн тэмцээнийг эхлүүлэх зэрэг олон ажлын саналыг ажил хэрэг болгохоор ярилцлаа.

         Хүүхэд залуучууд маань бэлтгэлдээ тогтмол хамрагдаж, багш дасгалжуулагчид маань суралцах боломжоо бүрэн ашиглаж жалга довны үзэл гаргалгүй энэ боломжийг алдалгүй ашигламаар байгааг онцлов.

       Удахгүй аймгийн СБХ-оос 9-10, 11-12 дугаар ангийнхны шигшээ багийг бүрдүүлж тогтмол бэлтгэлээр хичээллүүлж эхэлнэ. Тус аймгийн сагсан бөмбөгийн хөгжилд үнэтэй хувь нэмэр оруулж буй М.Цолмондоо нийт тамирчин хүүхдүүдийнхээ нэрийн өмнөөс ажлын амжилт талархал хүрсэн байна.