“Ханжож 2022” 19 дэх удаагийн Азийн наадмын аварга Б. Чинзориг медалийн шагнал гардуулах ёслолын дараа хэвлэлийн бага хуралд оролцлоо. Тэрбээр энэ удаагийн Азийн наадмын онцлог гэвэл олимпын эрх олгох байсан. Тийм дээ ч алтан медалиас гадна олимпын эрх авах үүрэг даалгавартай Ханжоуд ирсэн. Зорилгоо биелүүлсэндээ баяртай байна. Азийн наадамд гурав дахь удаагаа оролцлоо.

         Инчёны Азийн наадамд хөмсөг задарч тэмцээнээ өндөрлүүлсэн бол дөрвөн жилийн өмнө Жакартад мөнгөн медаль авсан. Энэ удаад Монголын багийн анхны алтан медалийг эх орондоо авчирлаа. Азийн наадмын сугалаа үнэхээр хатуу, чанга байлаа. Жингийнхээ бүх хүчтэй өрсөлдөгчтэй учраа таарч ялж түрүүлсэндээ баяртай байна. Тамирчдын тосгон тэмцээн зохион байгуулалт үнэхээр гайхалтай байлаа. Ийм том тэмцээнийг өндөр түвшинд зохион байгуулсан Хятадын болон Ханжоу хотын ард иргэдэд баярлалаа хэмээн ярилаа.

         Өмнөх жилүүдэд амжилтад хүрч чадахгүй олон бэрхшээл байсан. Энэ жилээс боксын холбоо өөр түвшинд ажиллаж сэтгэл зүйч хоол зүйч хүчний бэлтгэлд онцгой анхаарч ажиллаж байгаа нь энэ бүх амжилтад хүрэхэд нөлөөлсөн гэдгийг онцоллоо.