"Ханжоу 2022" Азийн наадмын байт харвааны ганцаарчилсан төрөлд Б.Отгонболд хагас шигшээд Казахстаны харваач Илфат Абдуллиныг 6:2-оор буулган авч, Азийн наадмын мөнгөн медалийн болзол биелүүлээд зогсохгүй “Парис 2024” олимпын эрхээ хүртээд буй билээ.

         Олон улсын олимпын хорооны гишүүн, Монголын үндэсний олимпын хорооны ерөнхийлөгч Б.Баттүшиг, тэргүүн дэд ерөнхийлөгч Ч.Наранбаатар нар байт харвааны баг тамирчидтай уулзан баяр хүргэж амжилт хүслээ. Манай харваач Б.Отгонболд аваргын төлөө эзэн орны харваач Жи Шиан Шоутай энэ сарын 7-ны өдрийн 11:30 цагаас харвах хуваарьтай.