"Ханжоу 2022" Азийн наадмын 12 дахь өдрийн тэмцээн уралдаан өчигдөр өндөрлөлөө. Одоогийн байдлаар 36 улс ямар нэгэн медаль хүртсэн бол алтан медаль зүүсэн 27 дахь улс нь Монгол боллоо. Монголын баг, тамирчид нэг алт, дөрвөн мөнгө, найман хүрэл медаль хүртсэн амжилтаар медалийн чансаагаар 22-т бичигдэж байна.

        Медалийн тоо болон чансаагаар Хятадын баг тамирчид илт давуу тэргүүлж яваа. Эзэн орны тамирчид одоогоор 316 медаль түүсний 171 нь алтан медаль аж. Японы баг 147, Өмнөд Солонгосын баг 148 медаль хүртсэнээр удаалж байна.