Завхан аймгийн Улиастай хотод 2023 оны есдүгээр сарын 30-аас, аравдугаар сарын 3-ны хооронд самбо бөхийн дэлхийн аваргын хошой мөнгөн медальт, жүдо бөхийн олон улсын тэмцээний алт, мөнгө, хүрэл медальт ОУХМ Янжмаагийн Доржийн нэрэмжит тэмцээн болов.

       Энэ удаагийн жүдо бөхийн өсвөр үеийн аварга шалгаруулах “ЗАВХАН ЦОМ”-2023 тэмцээнд 39 багийн 600 өсвөрийн жүдочин хурд, хүч, авхаалж самбаагаа сорин өрсөлдлөө. Тус тэмцээнд Төв амйгийн “Чандмань-Оригл” дэвжээнээс 13 тамирчин оролцсоноос бага насны хөвгүүдийн 42 кг-ын жинд Г.Элбэгзаяа алт, 60 кг-ын жинд Э.Хувьзаяа алт, 34 кг-ын жинд Д.Төгсбүрэн мөнгө, 46 кг-ын жинд Г.Алтанбагана мөнгө, 55 кг-ын жинд Д.Бүрэнтөгс мөнгө медаль хүртжээ.

        Бага насны охидын 40 кг-ын жинд Б.Буянбилэг алт, 48 кг-ын жинд Б.Бумхишиг алт, ахлах насны хөвгүүдийн 55 кг-ын жинд Б.Сүхбат алт, 73 кг-ын жинд С.Заяа алт, ахлах насны охидын 52 кг-ын жинд Ч.Урангуа алтан медаль хүртсэн байна.  “Чандмань-Оргил” дэвжээ нийт долоон алт, гурван мөнгөн медаль хүртэж эрэгтэй багийн дүнгээр гуравдугаар байрт шалгарчээ.