"Ханжоу 2022" Азийн 19 дүгээр наадмын спорт авиралтын төрөлд Монгол Улсаа төлөөлөн оролцож байгаа "Сутайн бор" клубийн тамирчин, спортын мастер Н.Сэлэнгэ 1/8 шигшээд Индонезийн шигшээ багийн тамирчин,2023 оны дэлхийн аварга, энэ наадамд Ази тивийн рекорд амжилтыг 6.364 секунд болгон шинэчилж тогтоосон, “Парис 2024” олимпын наадамд оролцох эрхээ авсан алдарт Dewi Desak Made Rita Kusumатай халз уралдлаа.

          Манай тамирчинтай өрсөлдсөн Dewi цааш амжилтаа ахиулсаар Азийн 19 дүгээр наадмын спорт авиралтын хурдны төрлийн алтан медалийн эзэн боллоо. Уралдааны дараа Н.Сэлэнгэ "Хагас шигшээд үлдэж уралдсандаа маш их баяртай байна. Дэлхийн аварга, олимпын эрх авсан, Азийн рекорд шинэчилсэн том тамирчинтай халз уралдахад надад үгээр хэлэхийн аргагүй сайхан мэдрэмж төрсөн. Өөрөө медаль авсан юм шиг л санагдсан. Нэр төрийн хэрэг байлаа" хэмээн сэтгэгдэлээ хуваалцсан байна. Манай тамирчдыг үлдсэн өдрүүдэд спорт авиралтын техник болон боулдерингийн төрлийн хоёр тэмцээн хүлээж байна.