Монгол Улсын гавьяат тамирчин, боксын Үндэсний шигшээ баг, “Алдар” спорт хороо, “АПУ” ХХК тамирчин Б.Чинзориг "ХАНЖОУ 2023" 19 дэх удаагийн Азийн наадамд 63.5 кг жинд хүрэл медалийн болзол хангав. Тэрбээр тус тулаанд Казахстан Улсын тамирчин Ертуган Зейнулиновийг 5:0-ийн харьцаатай ялсан юм. Ингэснээр Б.Чинзориг Монголын боксчдоос Азийн наадмын хос медальтай анхны тулаанч боллоо. Манай тамирчин олимпын эрх хүртэх хагас финалын мөнгөн медалийн төлөөх тулааныг Тайланд Улсын тамирчинтай маргааш буюу энэ сарын 3-ны өдөр хийнэ.