"Ханжоу 2022" Азийн зуны спортын 19 дүгээр наадмын 3x3 сагсан бөмбөгийн төрөл үргэлжилж байна. Энэ төрөлд манай улсын эмэгтэй, эрэгтэй шигшээ багууд хагас шигшээ шатанд шалгарсан билээ. Тэгвэл эмэгтэйчүүд 1/2 шигшээд Тайвань Улсын багтай тун хүндхэн тоглолтыг хийж үндсэн цагт 20:20 оноогоор дууссан.

         Гэсэн ч манай баг тун сайн төгсгөлийг хийж эсрэг багаас цагийн төгсгөлд алдаа салгасан юм. Ийнхүү хувь заяаг шийдэх торгуулийн шидэлтийг амжилттай болгосноор 21:20 оноогоор хүчтэй өрсөлдөгчдийг буулган авсан. Манай багаас Б.Ариунцэцэг есөн оноо, долоон самбар, 7/12 довтолгоо амжилттай гүйцэтгэсэн. Ц.Болорцэцэг зургаан оноо, дөрвөн самбар,2/4 довтолгоо хийж, хожлын шидэлт хийсэн. Ө.Индра таван оноо, нэг самбар, 3/5 довтолгоо, Э.Нарангоо нэг оноо, нэг самбар, 1/2 довтолгоо хийн Тайванийн багийг буулган авчээ. Орой 20.00 цагаас финалд Азийн наадмыг алтан медалийн төлөө наадмыг зохион байгуулагч эзэн орон Хятадын багтай тоглохоор шалгарч үлдэв.