Азийн гимнастикийн холбоо, Олон улсын гимнастикийн холбооны нийтийн гимнастикийн техникийн хорооны дэмжлэгтэй Монголын гимнастикийн холбооны зохион байгуулалтаар олон улсын сургалт манай улсад есдүгээр сарын 28-аас энэ сарын 1-ний өдрүүдэд зохион байгуулагдаж өндөрлөв.

        Дөрвөн өдрийн турш үргэлжилсэн тус сургалтад Япон, Солонгос, Шри Ланк, Непал, Афганистан, Сингапур, Тайланд, Энэтхэг, Хятадын Хонгконг, Лаос, Япон, Португал, Монгол гэсэн 13 орны 23 гаруй дасгалжуулагч нар хамрагдсан юм.

       Өнөөдөр тус сургалтыг удирдан явуулсан Азийн гимнастикийн техникийн хорооны ерөнхийлөгч Араки Тацуо, Олон улсын гимнастикийн техникийн хорооны ерөнхийлөгч Рожерио Валерио нар сургалтад хамрагдсан дасгалжуулагч нартаа сертификат олголоо.