Монгол Улсын гавьяат дасгалжуулагч, ОУХМ Б.Хаштогтох багшийн нэрэмжит жүдо бөхийн өсвөрийн тэмцээн СХД-ийн Спортын ордонд дөрвөн өдөр амжилттай явагдаж өндөрлөлөө. Тэмцээнд Монгол орны 21 аймаг, Улаанбаатар хотын клубүүд болон ОХУ-н Якутск хотын багуудын нийт 1200 гаруй өсвөрийн тамирчин ур чадвараа сорин өрсөлдсөн юм.

         “Монголын жүдо академи” энэхүү тэмцээнд бүтэн багаараа оролцож нийт 13 медаль (Алт 5, Мөнгө 2, Хүрэл 6) хүртсэн амжилт үзүүллээ. Багийн дүн гарахад “Жүдо академи”-ийн охидын бага болон ахлах насны баг тус тус тэргүүн  байрт бичигдэж цом, өргөмжлөлийн эзэн болсон юм.

           Мөн тэмцээний сүүлийн өдөр явагдсан “ХОЛИМОГ БАГ”-ийн тэмцээнд “Жүдо академи”-ийн нэг болон хоёрдугаар баг гарган оролцож алт, мөнгөн медаль хүртлээ. “Жүдо академи”-ийн нэгдүгээр баг тэргүүн байр эзэлсэн бол хоёрдугаар баг мөнгөн медалийн эзэн болсон юм.