"Ханжоу 2022" Азийн наадмын боксын эмэгтэйчүүдийн 57 кг-ын жинд 16 улсын 16 тамирчин тулалдахаар бүртгүүлсэн юм. Монголоос М.Намуун эх орноо төлөөлөн эхний тойрогт Өмнөд Солонгосын Жин Хе Ёнтой учраа таарсан.

       Таван жилийн өмнө “Жакарта 2018”-д шөвгийн 16-д ялагдаж байсан М.Намуун энэ удаад өрсөлдөгчөө илт давуу хожлоо. Эхний хоёр үеийн дараа шүүгч тоглолтыг зогсоох шийдвэр гаргаж, ялалтыг манай тамирчинд шууд өглөө. М.Намуун медалийн төлөөх шийдвэрлэх тулаанаа дэлхийн мөнгө, хошой хүрэлтэй Казахстаны боксчин Карина Ибрагимоватай хийхээр болов.