“Ханжоу 2022” Азийн наадмын бадминтоны төрөл өнөөдөр эхэллээ. Энэ удаагийн тэмцээнд 23 орны 246 тамирчин оролцож буй. Хятад, Өмнөд Солонгос, Япон, Тайвань, Хонконг, Индонез, Тайландын баг бүрэн бүрэлдэхүүнээр буюу 20 тамирчинтай оролцож байгаа юм. Харин Монголын шигшээ баг 13 тамирчинтай Ханжоуд очсон байгаа.

          Тэмцээний эхний өдөр эрэгтэй, эмэгтэй багийн төрлөөр өрсөлдлөө. Эрэгтэй баг Балба Улсын багтай оноолт таарч, 3:1-ээр дийлдлээ. Манай багаас Э.Сумъяасүрэн Балбын Бишну Катувалыг 23:21, 22:24, 21:17-оор ялсан юм.

          Харин эмэгтэй баг Энэтхэгийн шигшээ багтай таарч, 3:0-ээр хожигдлоо. Багийн дүн ирэх аравдугаар сарын 1-нд гарна. Харин ганцаарчилсан, хос болон холимог хос төрөл аравдугаар сарын 2-ны өдөр эхлэх хуваарьтай байгаа.