“Ханжоу-2022” Азийн наадамд мэргэн буудагчдаас өнөөдөр эрэгтэй гар буучдын Азийн наадмын сүүлийн тэмцээн болов. Хийн гар бууны 10 м-ийн дасгалд манай улсыг ОУХМ Энхтайваны Даваахүү, Пүрэвдоржийн Тэргэл, Оюуны Төгөлдөр нар төлөөлж Ханжоугийн тирийн галын цэг дээр зогслоо.

       Спорт гар бууны10 м-ийн хувьд 56 тамирчин урьдчилсан шатанд нийт 60 сум буудаж шилдэг наймд багтан шигшээд буудах эрхийн төлөө өрсөлдөхийн зэрэгцээ гурван тамирчны нийлбэр оноогоор багийн дүнгээр мөн медальт байр шалгаруулдаг.

       Урьдчилсан шатанд манай багаас ОУХМ Э.Даваахүү 575 оноогоор 21-р байр, П.Тэргэл 565 оноогоор 37-р байр, О.Төгөлдөр 559 оноогоор 50-р байр тус тус эзэлж Азийн наадмаа өндөрлүүллээ. Нийлбэр дүнгээр манай баг 12-р байр эзэллээ.

       Маргааш манай эмэгтэй гар буучид 10 м-ийн багийн болон ганцаарчилсан төрөлд цэц сорих бол 9-р сарын 30-ны өдөр манай тамирчдаас эрэгтэй, эмэгтэй тус бүр нэг тамирчин улсаа төлөөлөн 10м-ийн хийн гар бууны холимог багийн төрөлд өрсөлдөж Азийн наадмын буудлагын тэмцээн өндөрлөнө.