"Ханжоу 2022" Азийн XIX наадмын талбайн теннисийн холимог хосын төрөлд өрсөлдсөн Ч.Маралгоо, М.Бадрах нар Япон Улсын багтай тун ойролцоо тоглож, харамсалтай ялагдал хүлээлээ. Энэ тэмцээний чансаагаар 13-т бичигдсэн Шимизү Айяно, Шинжи Хазава нарын бүрэлдэхүүнтэй Японы холимог багтай өрсөлдсөн юм.

           Эхний сэтэд 0:6-аар манай тамирчид хожигдсон ч хоёр дахь сэтэд манай залуус 6:2-оор ялж, үр дүнг тэнцүүлсэн. Улмаар супер тай брик 10-аар тоглолтын хувь заяаг шийдэхэд манай теннисчид 8:2-оор илүүрхэж байсан ч дараалан таван оноо алдаж, давуу байдлаа ашиглаж чадсангүй.

          Тоглолтын төгсгөлд 7:9-өөр онооны харьцааг холдуулсан ч Японы баг сүүлийн дөрвөн оноог дараалж авснаар дараагийн шатанд шалгарлаа. Харин эмэгтэй хос төрөлд эгч дүүс болох Ч.Маралгоо, Ч.Мартаа нар Тайванийн багийн эсрэг 0:6, 3:6-аар дийлдсэнээр талбайн теннисчдийн тэмцээн өндөрлөлөө.