Дарханчуудынхаа чөлөөт цагаа зөв боловсон өнгөрүүлэх, ая тухтай орчныг нь бүрдүүлэх чиглэлд анхааран ажиллаж олон бүтээн байгуулалтын ажлуудыг хийж байгаа. Энэ жил Дархан-Уул аймгийн Хонгор сумын хувьд улсын төсвийн 3.7 тэрбум төгрөгийн хөрөнгө оруулалтаар дөрвөн төрлийн бүтээн байгуулалт өрнөж байна.

      Эдгээрийн нэг болох спортын ордны барилга Салхит багт ашиглалтад орж, Хонгор сумын хүүхэд залууст үүд хаалгаа нээлээ. Аймагтаа анхны агч модон шалтай спорт заал болж байгаагаараа онцлогтой юм байна. Уг асуудлыг аймгийн төсвийн хөрөнгө оруулалтаар шийдвэрлэжээ.