Энэ өдөр “Хасу Мега старс” клубийн бөх, Сэлэнгэ аймгийн БТСГ-ын дасгалжуулагч Монгол Улсын гавьяат тамирчин Даваасүхийн Отгонцэцэгийн мэндэлсэн өдөр тохиож байна. Гавьяат тамирчин Д.Отгонцэцэг 1990 оны энэ өдөр төрсөн. Тэрбээр “Дархан Хайрхан” клубээс бөхийн гараагаа эхэлсэн. Түүний анхны багш Монгол Улсын гавьяат дасгалжуулагч Цэндийн Баярсайхан юм. Д.Отгонцэцэг 16 настайдаа насанд хүрэгчдийн УАШТ-д түрүүлж байлаа. 

         Улмаар 2004, 2008 онуудад өсвөр үеийн Азийн аварга шалгаруулах тэмцээнд түрүүлж, алтан медаль хүртэж байв. 2009, 2010 онд өсвөр үеийн ДАШТ-ээс хүрэл медаль, 2011 онд насанд хүрэгчдийн дэлхийн цомын тэмцээнээс хүрэл медаль, Азийн аварга шалгаруулах тэмцээнээс мөнгө, насанд хүрэгчдийн ДАШТ-ээс мөнгө, 2016 онд Азийн аварга шалгаруулах тэмцээнээс алтан медаль хүртэж, Азийн аварга болж байсан юм.