“Ханжоу 2022” Азийн XIX наадмын гурав дахь өдөр жүдо бөхийн -100 кг-ын жинд “Хилчи” спорт хороо, “Жи-Мобайл” компанийн тамирчин, ОУХМ Батхуягийн Гончигсүрэн хагас шигшээд шалгарлаа. Тэрбээр эхний тойрогт гоц мөргөж, хоёрдугаар тойргийн барилдаанд Өмнөд Солонгосын Вүн Жон Хүнийг ялжээ. Хагас шигшээд манай бөх АНЭУ-ын Жафар Костоевтой барилдана.

         Харин -78 кг-д ОУХМ Отгонбаярын Хүслэн Филиппиний бөхийг ялаад хэсгийн аваргын төлөө Өмнөд Солонгосын тамирчинд ялагдснаар торгуулийн тойрогт хүч үзэхээр болов. Мөн түүний дараа 90 кг-д армийн дэлхийн аварга, Азийн наадмын мөнгөн медальт Гантулгын Алтанбагана Афганистаны Фейсел Жабарыг торгуулиар ялсан бол ОУХМ Одхүүгийн Цэцэнцэнгэл АНЭУ-ын Магомедомар Магомедомаровыг нэмэлт цагт хоёр торгуулаар илт ялж яваад алдаа гаргаж даралтаар цэвэр ялагдлаа.