Жүдочин Б.Ням-Эрдэнэ Азийн наадмын хүрэл медалийн төлөө Хятадын бөх  И Чен Фентэй барилдаж цэвэр ялагдаж, медалиас мултарлаа. Монголын тамирчдаас Ч.Нарантуяа, Г.Нандинзаяа, О.Есүгэн нар буудлагын багийн 10 м-ийн хийн урт бууны дасгалд хүрэл медаль хүртсэн. Харин жүдо бөхийн төрлөөр Ё.Басхүү мөнгө, Л.Сосорбарам, Ц.Цогтбаатар нар хүрэл медаль хүртсэн билээ.

        Өнөөдөр жүдо бөхийн хувийн төрлийн сүүлийн өдөр юм. Өмнөх Жакартагийн Азийн наадмын дэд аварга Г.Алтанбагана тэргүүтэй, Б.Гончигсүрэн, О.Цэцэнцэнгэл. О.Хүслэн, А. Адъяасүрэн нар хурд хүчээ сорино. Өнөөдрийн барилдааны салхийг хагалж О.Хүслэн нэгдүгээр дэвжээнд гарч Филипин Улсын бөхтэй барилдана.