“Ханжоу 2022” Азийн наадмын эрэгтэй хөл бөмбөгийн хэсгийн тоглолт үргэлжилж байна. Манай эрчүүд эхний тоглолтоо Вьетнамын эсрэг хийж 4:2-оор дийлдсэн бол хэсгийн хоёр дахь тоглолтыг Саудын Арабын эсрэг хийлээ. Тоглолтын эхний үеийн 18 дахь минутад Саудын Арабын Хайтхам Мохаммед Асири эхний гоолыг оруулсан бол хоёрдугаар хагасын 50, 74 дахь минутад тооны харьцааг холдуулснаар “B” хэсгийг дөрвөн оноотой тэргүүлж байна. Манай хөл бөмбөгчид хэсгийн сүүлийн тоглолтоо энэ сарын 24-ний өдөр Ираны эсрэг хийх хуваарьтай байна.