Монгол Улсын гавьяат тамирчин, боксын дэлхийн аварга шалгаруулах тэмцээний мөнгөн медальт Баатарсүхийн Чинзоригийн төрсөн өдөр өнөөдөр тохиож байна. Тэрбээр Ташкент 2023 ДАШТ-ий  тэмцээний 63.5 кг-ын жинд мөнгөн медаль,  “Жакарта-2018” Азийн наадмын мөнгө, Азийн аварга шалгаруулах тэмцээний алт, мөнгө, хүрэл медальтай, цэргийн дэлхийн аварга билээ. "Алдар" спорт хорооны тамирчин, МУГТ Б.Чинзориг боксын насанд хүрэгчдийн 2023 оны ДАШТ-ээс мөнгөн медаль хүртэхдээ дэвжээний эзэн орон Узбекистаны залуу боксчин, Ази тивийн аварга Р.Абдуллаевт шүүгчийн саналаар ялагдсан юм. Б.Чинзориг ДАШТ-ээс мөнгөн медаль хүртсэн Монгол Улсын зургаа дахь боксчин билээ.