"Белград 2023" чөлөөт бөхийн ДАШТ-ий сүүлийн өдөр эмэгтэйчүүдийн 53 кг, 62 кг, 68 кг, 72 кг-ын жингийн урьдчилсан болон хагас шигшээ барилдаанууд явагдана. Манай улсаас эмэгтэйчүүдийн 53 кг-ын жинд  цэргийн дэлхийн аварга ОУХМ Ганбаатарын Отгонжаргал, Шведийн тамирчин Европын хошой аварга Ионна Малмгрентэй барилдана.

       Эмэгтэйчүүдийн 62 кг-д дэлхийн аварга МУГТ Пүрэвдоржийн Орхон, Хятадын тамирчин ДАШТ-ий мөнгөн медальт, Ази тивийн аварга Лон Жиатай, эмэгтэйчүүдийн 68 кг-д ОУХМ Энхсайханы Дэлгэрмаа, Сербийн тамирчин Эмилия Яковльевичтой таарсан. Эмэгтэйчүүдийн 72 кг-д ОУХМ Энх-Амарын Даваанасан, Полшийн Наталья Стрзалкатай тус тус эхний тойрогт барилдана.

     Харин эмэгтэйчүүдийн 50 кг-ын жингийн шигшээд МУГТ Д.Отгонжаргал, Японы Юи Сүсакитай барилдах юм. Сүүлийн өдрийн тэмцээн Улаанбаатар хотын цагаар 16:00 цагт Серби Улсын нийслэл Белград хотын "Stark Arena"-д эхэлнэ.