Олон улсын олимпын хорооны “Эв санааны нэгдлийн хөтөлбөр”-ийн хүрээнд “Technical Coaches course” буюу шорт трекийн дасгалжуулагчийн техникийн сургалт “Степпе-Арена” мөсөн гулгуурын талбайд амжилттай эхэллээ.

    Сургалтад Хөвсгөл, Ховд, Хэнтий, Булган, Төв аймаг болон нийслэлээс ирсэн нийт 47 багш, дасгалжуулагч ирээдүйд дасгалжуулагч болох хүсэлтэй залуу тамирчид оролцож байна. Сургалтыг Олон улсын тэшүүрийн холбоо (ISU)-ны сургагч багш Ариен Волтерс (Недарланд)  удирдлагын дор зохион байгуулж байна. Сургалт онол - практик хосолсон танхим- мөс-хуурай бэлтгэл хэлбэрээр явагдаж байна.