Дэлхийн аваргын эмэгтэйчүүдийн 55 кг-ын жинд Монгол Улсын Үндэсний шигшээ баг, “Алдар” спорт хорооны тамирчин, Азийн тивийн аваргын мөнгөн медальт, ОУХМ Чинболдын Отгонтуяа дагах тойргийн барилдаанд ялалт байгуулав.

      Тэрбээр өчигдөр эхний барилдаанаа дэлхийн хошой аварга Харүна Окунатай хийж 9:2-оор ялагдал хүлээсэн. Харүна Окуна, Канадын Карла Годинез, Молдавын Мариана Драгутан нарыг ялж ДАШТ-ий финалд шалгарснаар манай тамирчинд дагах барилдаан гарсан.

       Өнөөдөр тус жингийн дагах барилдаанд манай тамирчин Беларусийн Арина Мартинаватай учирч эхний үед 4:0-ээр хожигдож явахдаа бүхэл буюу дөрвөн оноогоор тонгорч цэвэр дарав. Одоо түүний дараагийн өрсөлдөгч өнгөрсөн жилийн ДАШТ-ий хүрэл медальт Канадын Карла Годинез байх юм. Түүнийг ялах юм бол хүрэл медалийн төлөө барилдах эрхтэй болно.